Roffln

Heast as, wias roffln?
Heast as?
Da untare Nochba tuit.
Und dea va Wisawi a.
Sogoa va ouwan Greißla heat mas.
As Roffln.
Wias mit di Schneeschaufln iwan Gehsteig roffln.
A Geräusch, ois tatns da Eiswiafln ins Gnack schittn.
Dabei schneibts nua eine, walst eh a söwa mit deina Schneeschaufln voam Haus iwan Gehsteig rofflst.
Deis gheat si sou.
Wal wos wean si di Leit deinga, wenns gsegn, dassd ned Schneegschauflt host.
Dou nutzts nix, dass scha Neine ouft Nocht is.
Deis gheat si holt sou.
Und waun dea va da Gemeinde mit seim Schneeschuiba kimmt, kinna olle wieda va voan auffaunga.
Zan Roffln.