Da ane mog d’ Hitz,
da andre di Kötn.
Wos da ane guad find,
losst da andre ned götn.

Da ane mog’s soizig,
da andre siaß.
Was dem an as Fleisch is,
is dem andren as Gmias.

Da ane mog’s lauda,
da andre a Ruah.
Wos dem an zvü is,
is dem andren ned gnua. 

Da ane mog ’s fuatgehn,
da andre bleibt daham.
Was dem an die Stadt is,
san dem andren di Bam.

Da ane wü fiere,
da andere zruck.
Wos da ane dawoat,
braucht da andre ruckzuck.

Da ane is goschat,
da andre scheich.
So vü uns a trennt,
mi san do olle gleich.